Нашу школу наведалі асаблівыя госці

14 верасня нашу школу наведалі асаблівыя госці - даследчыкі-антраполагі, этнографы, збіральнікі сведчанняў матэрыяльнай і духоўнай спадчыны нашых продкаў - стваральнікі праекта "Традыцыя" @tradycyjny_stroj
Задачай праекта з'яўляецца спроба з дапамогай сучасных візуальных прыёмаў зрабіць спадчыну далёкіх часоў сучаснай, зразумелай і актуальнай для людзей, якія жывуць у наш час. У пошуках новых палявых матэрыялаў, даследчыкі прыбылі ў наш край. Падчас візіту было вырашана правесці прэзентацыю праекта для нашых старшакласнікаў. Госці расказалі навучэнцам 10-11 класа аб адным з элементаў народнай культуры нашай краіны - традыцыйным адзенне або строе. Асаблівае месца ў аповедзе было адведзена Дамачаўскаму ладу, які быў распаўсюджаны на нашай тэрыторыі. Яго ўнікальныя рысы больш нідзе не сустракаюцца на беларускіх землях. Падчас сустрэчы школе быў падораны асобнік унікальнага выдання "Традыцыйны строй", дзе сабраны выявы і апісанні строяў Беларусі, у тым ліку і Дамачэўскі. Пасля прэзентацыі даследчыкі каталагізавалі элементы Дамачэўскага строю, якія захоўваюцца ў школьным літаратурна-краязнаўчым музеі "Спадчына".